मोरङ जिल्लाको दक्षिण पूर्व क्षेत्रमा अवस्थित यस अस्पताललाई सार्वजनिक स्वास्थ्य सेवाका अस्पतालको इतिहासलाई हेर्दा यो अस्पताल १२९ वर्ष पुरानो र नेपालको जेठो अस्पताल रहेको पाइन्छ । वि.सं. १८४७ सालमा वीर शमशेरले पूर्व देखि लिएर सुदूर पश्चिमसम्म पुगेका थिए । यसै क्रममा विभिन्न ठाउँमा पी. वीर अस्पतालहरू एकै वर्ष खोलेकोमा यस अस्पतालको स्थापना पछि काठमाण्डौको वीर अस्पतालको स्थापना भएको विभिन्न अभिलेखबाट बुझ्न सकिन्छ ।

वि.सं. १८५७ सालमा मोरङ जिल्लाको सदरमुकामको रूपमा स्थापित रंगेली बजारमा धेरै जसो सरकारी कार्यालयहरू रहेका थिए । वि.सं. १८४७ सालमा स्थापित १ नम्बर पी. वीर अस्पताल त्यही स्थापना भएको कुरा काठमाण्डौको अभिलेखबाट स्पष्ट हुन्छ र पछि वि.सं. १८७५ सालमा जिल्लाको सदरमुकाम विराटनगर सरेपछि यो अस्पताल पनि विराटनगर सारिएको थियो र त्यहाँको जनतालाई राहत बनाउन यस ठाउँमा एउटा स्वास्थ्य केन्द्रको रूपमा स्वास्थ्य उपचार गरिएको ।

यसको प्रमाणको रूपमा चिल्लो काठमाण्डौ राम्रै अञ्चले कुदेर बनाइएको उक्त पी. वीर १ नम्बर लेखिएको अस्पतालको साइन बोर्ड अहिले पनि कोशी अस्पतालमा सुरक्षित रहेको पाइन्छ । यसमा लेखिएको पी. शब्दले पृथ्वीवीरविक्रम र वीर शब्दले वीर शमशेर भन्ने जनाउँछ । त्यो बेला राजा र राणा (प्रधानमन्त्री) दुवैको संयुक्त नामले सार्वजनिक महत्वका वस्तुको नाम राख्ने चलन थियो भन्ने बुझिन्छ । यसका अलावा वीर अस्पतालले १०० वर्ष पुगेको अवसरमा प्रकाशित गरेको स्मारिकामा उल्लेख गरिएको त्यस बेलाको अभिलेख सम्पूर्ण तथ्य प्रमाणका आधारमा रंगेली अस्पताल नेपालको सबै भन्दा जेठो अस्पताल हो ।